Flutningur í lögreglufylgd

Í vikunni sem leið fluttu Landflutningar-Samskip þaksperrur frá hafnarsvæði Samskipa upp á Blikastaðaveg þar sem Ris byggir verslunarhúsnæði. Voru sperrurnar 25 og 30 metra langar á lengjanlegum vögnum með beygjubúnaði og því ljóst að gera þurfti ráðstafnir til að tryggja öryggi allra vegfarenda á meðan á flutningunum stóð. Lögreglan fylgdi bílunum alla leið og gengu flutningarnir vel fyrir sig.